Бранко Блажевски е роден на 03.01.1987 година. Средното образование го завршува во средното гимназиско училиште „Кочо Рацин“, а потоа продолжува на државниот Универзитет „Св. Кирил и Методиј“ во Скопје, каде дипломира на Економскиот факултет. Сепак, Бранко одлучува да го следи својот внатрешен копнеж и силен повик за да се посвети на убавото – уметноста – која е нераскинливо поврзана со неговото битие.
Неговите стихови и музика со текот на времето развиваат и слика, набрзо по дипломирањето тој почнува да експериментира со видео монтажата од каде, пак, се упатува и кон режијата. Меѓувремено, Бранко развива и свој уникатен јазик на монтажа кој им пркоси на академските рамки, а сепак совршено функционира во филмската целина и е лесно разбирлив за широката публика.
