Монтажер и втор асистент на режија во документарниот филм. Горан Костадинов е роден на 14.07.1981 година во Кавадарци. Копнежот по филмската уметност го води на НАТФИЗ во Р. Бугарија, каде што дипломирал на отсекот Филмска и ТВ режија.
Костадинов е автор на десетина краткометражни и документарни филмови. Своевремено работел и како монтажер и режисер на голем број видео записи за македонски музички ѕвезди. Неговото длабоко чувство за филмска естетика е препознаена и од страна на некои странски филмски продуценти од Велика Британија и Германија, со кои повеќе пати зел учество на филмски сетови.
Горан Костадинов моментално живее и работи во Р. Бугарија.
